🔥 អធិរាជស Real Madrid លត់ Real Sociedad ៤-១ ឡើងគ្រងកំពូលតារាងមាន ៦០ ពិន្ទុ! កំពូលមេទ័ព Fede Valverde បានទម្លាយយុទ្ធសាស្ត្រដ៏រឹងមាំនៅពីក្រោយជ័យជម្នះដ៏អស្ចារ្យនេះ ។
យប់មិញនេះ កីឡដ្ឋាន Santiago Bernabéu ហាក់ដូចជាមានរញ្ជួយដី ក្រោយអធិរាជស Real Madrid បង្ហាញទម្រង់លេងកម្រិតខ្ពស់ បំបាក់ Real Sociedad ៤-១ ។ ប៉ុន្តែអ្វីដែលអស្ចារ្យជាងលទ្ធផល គឺយុទ្ធសាស្ត្រនៅពីក្រោយជ័យជម្នះនេះ ដែលត្រូវបានទម្លាយដោយ ‘បុរសសួតដែក’ Fede Valverde ។ ការប្រកួតទើបតែចាប់ផ្ដើមបាន ៥ នាទី Gonzalo Garcia បានដុតកម្តៅទីលានដោយការស៊ុតនាំមុខ ១-០ ។ ទោះបីជា Mikel Oyarzabal របស់ Sociedad តាមស្មើពីបាល់ពិន័យ ១១ ម៉ែត្រក៏ដោយ ។ Vinicius Junior ស៊ុតបាល់ពិន័យ ១១ ម៉ែត្រ ២ គ្រាប់ម្នាក់ឯង នៅនាទីទី ២៥ និង ៤៨ ធ្វើឱ្យខ្សែការពារ Sociedad វិលមុខ ។
នៅនាទីទី ៣១ កីឡដ្ឋានទាំងមូលបានលោតកញ្ជ្រៀវ ពេលដែល Fede Valverde បញ្ចេញថាមពលស៊ុតគ្រាប់ទី ៣ យ៉ាងស្អាត។ ក្នុងនាមជាប្រធានក្រុមក្នុងប្រកួតនេះ Valverde មិនត្រឹមតែស៊ុតបញ្ចូលទីទេ តែលោកគឺជា ‘ម៉ាស៊ីនបញ្ជាការ’ នៅកណ្ដាលទីលាន។ ក្រោយចប់ការប្រកួត Valverde បានសង្កត់ធ្ងន់ថា គ្រាប់បាល់គឺជារឿងមួយ ប៉ុន្តែវិន័យការពារ និងការធ្វើការរួមគ្នាជាធ្លុងមួយ គឺជាកូនសោរពិតប្រាកដនៃជ័យជម្នះ ។ បច្ចុប្បន្ន Real Madrid កំពុងឈរលើកំពូលតារាង La Liga មាន ៦០ ពិន្ទុ ក្នុង ២៤ ប្រកួត។ លោក Alvaro Arbeloa បានសាងសង់រចនាសម្ព័ន្ធក្រុមដ៏រឹងមាំបំផុត ដែលធ្វើឱ្យតំបន់ការពារ និងការវាយបកមានប្រសិទ្ធភាពខ្ពស់។ ជ័យជម្នះនេះមិនត្រឹមតែជា ៣ ពិន្ទុទេ តែវាគឺជាការបោះសារព្រមានទៅកាន់ Barcelona ដែលកំពុងស្ថិតក្រោមសម្ពាធយ៉ាងធ្ងន់ធ្ងរនៅពាក់កណ្តាលសប្តាហ៍នេះ ។
តើបងប្អូនជឿថា Real Madrid នឹងគ្រងជើងឯក La Liga រដូវកាលនេះទេ ?
