💥 អធិរាជស Real Madrid មិនព្រមចុះចាញ់ងាយៗនោះទេ ដោយយប់មិញនេះ ពួកគេបានយកឈ្នះយ៉ាងចាស់ដៃទៅលើក្រុម Elche ក្នុងលទ្ធផល ៤ ទល់នឹង ១ ។ ជ័យជម្នះដ៏មានតម្លៃនេះ បានកាត់បន្ថយគម្លាតពីក្រុមកំពូលតារាងអ្នកមានបុណ្យ Barcelona មកនៅត្រឹមតែ ‘មួយពិន្ទុ’ ប៉ុណ្ណោះ! តើអ្នកណាជាវីរបុរសនៅពីក្រោយជ័យជម្នះនេះ?
📝 បងប្អូនប្រាកដជាដឹងហើយថា ពេលនេះគ្មាននរណាលេចធ្លោជាងខ្សែបម្រើអន្តរជាតិអ៊ុយរូហ្គាយ វ័យ ២៧ ឆ្នាំ Federico Valverde នោះទេ! កំណត់ត្រាមាសរបស់គាត់នៅតែបន្ត ខណៈដែលគាត់បានស៊ុតបញ្ចូលទីគ្រាប់ទី ៤ របស់គាត់ក្នុងរយៈពេលត្រឹមតែ ៩ ថ្ងៃប៉ុណ្ណោះ។ បងប្អូនគិតមើល៍ កាលពីដើមរដូវកាល ក្នុងការបង្ហាញខ្លួន ៣៩ លើកដំបូងទាំងក្នុងក្លឹប និងជម្រើសជាតិ គាត់រកបានតែ ២ គ្រាប់គត់! ប៉ុន្តែបន្ទាប់ពីស៊ុត Hat-trick ក្នុង Champions League ទល់នឹងក្រុម Manchester City កាលពីពាក់កណ្តាលសប្តាហ៍រួចមក កីឡាកររូបនេះបានរកឃើញទម្រង់លេងដ៏ល្អបំផុតរបស់គាត់នៅពេលវេលាដ៏ស័ក្តិសមបំផុត ។ Valverde គឺជាអ្នកដឹកនាំក្រុមយ៉ាងពិតប្រាកដ ដោយបានរៀបចំជ័យជម្នះនេះក្នុងរយៈពេលត្រឹមតែ ៦ នាទីចុងក្រោយនៃតង់ទីមួយប៉ុណ្ណោះ។ ដំបូងឡើយ ការទាត់បាល់ហ្វ្រីឃីក (Free-kick) ដ៏មានឥទ្ធិពល និងធ្ងន់ដូចរន្ទះរបស់គាត់ ត្រូវបានអ្នកចាំទី Matías Dituro ជួយសង្គ្រោះបាន ប៉ុន្តែបាល់បានខ្ទាតទៅដល់ Federico Redondo ដែលអាចត្រឹមតែតបាល់នោះទម្លាក់ចូលទៅចំណុចពិន័យ។ ឱកាសមាសនេះត្រូវបានខ្សែការពារកណ្តាល Antonio Rüdiger ឆក់យក និងស៊ុតបញ្ចូលទីយ៉ាងស្អាតតែម្ដង ។
📝 ប៉ុន្តែរឿងដែលកាន់តែអស្ចារ្យបានកើតឡើងនៅមួយនាទីមុនពេលសម្រាកតង់ទីមួយ។ Valverde មិនត្រឹមតែពូកែស៊ុតទេ គាត់ថែមទាំងមានល្បឿន និងការយល់ចិត្តគ្នាខ្ពស់ទៀតផង។ បន្ទាប់ពីបានបើកការវាយសម្រុកយ៉ាងលឿនដោយការរត់កាត់ខ្សែបម្រើកណ្តាល គាត់បានលេងបាល់សហការប្តូរទៅមក (១-២) យ៉ាងស៊ីចង្វាក់គ្នាជាមួយខ្សែការពារឆ្វេង Fran García ដែលជាការរៀបចំទម្រង់លេងវាយលុកដ៏ល្អឥតខ្ចោះ ធ្វើឱ្យរបាំងការពាររបស់ Elche វិលមុខរកផ្លូវទប់មិនជាប់ ។
👉 ជាមួយទម្រង់លេងដ៏សាហាវរបស់ Valverde និងកូនក្រុមរបស់លោក Álvaro Arbeloa តើបងប្អូនជឿជាក់ទេថា Real Madrid នឹងអាចវ៉ាជែង Barcelona ដើម្បីគ្រងជើងឯក LaLiga រដូវកាលនេះបាន ?
