📅 នៅរាត្រីថ្ងៃសៅរ៍ ទី ១៤ ខែមីនា ឆ្នាំ ២០២៦ នេះ ពិភពបាល់ទាត់អាល្លឺម៉ង់នឹងត្រូវកក្រើកជាមួយការប្រកួតដ៏ធំបំផុតប្រចាំរដូវកាល ។ Bayer Leverkusen ត្រូវបើកទ្វារកីឡដ្ឋាន BayArena ស្វាគមន៍ក្រុមកំពូលតារាង Bayern Munich នៅម៉ោង ៩:៣០ យប់នេះ! នេះគឺជាការប្រកួតដែល Leverkusen មិនអាចចាញ់បានដាច់ខាត ប្រសិនបើពួកគេចង់រក្សាក្តីសង្ឃឹមក្នុងការដណ្តើមកៅអី Champions League ។
📝 បច្ចុប្បន្ន Leverkusen ឈរនៅចំណាត់ថ្នាក់លេខ ៦ មាន ៤៤ ពិន្ទុ និងកំពុងតាមពីក្រោយក្រុមលេខ 4 Stuttgart ចំនួន ៦ ពិន្ទុ ។ ទម្រង់លេងក្នុងលីគរបស់ពួកគេហាក់មានការខកចិត្តបន្តិច ដោយរកបានត្រឹមតែ ៥ ពិន្ទុក្នុង ៤ ប្រកួតចុងក្រោយ ។ ទោះជាយ៉ាងណា លោក Kasper Hjulmand ទើបតែដឹកនាំក្រុមឱ្យស្មើ Arsenal ១-១ ក្នុងពានរង្វាន់អឺរ៉ុបកាលពីពាក់កណ្តាលសប្តាហ៍។ ចំណុចខ្លាំងរបស់ពួកគេគឺការលេងក្នុងផ្ទះ ដែលមិនទាន់ចាញ់សោះក្នុង ៧ ប្រកួតជាប់ៗគ្នានៅ BayArena។ តើបន្ទាយដ៏រឹងមាំនេះអាចទប់ទល់នឹងព្យុះមេឃខៀវបានដែរឬទេ?
📝 ងាកមកមើលក្រុមកំពូលតារាង Bayern Munich របស់លោក Vincent Kompany វិញ ពួកគេកំពុងតែមានទំនុកចិត្តខ្ពស់បំផុត ក្រោយបំបាក់ Atalanta ៦-១ កាលពីថ្មីៗនេះ។ ពួកគេកំពុងនាំមុខក្រុមលេខពីរដល់ទៅ ១១ ពិន្ទុ និងមានកំណត់ត្រាមិនចាញ់ក្រៅដី ១០ ប្រកួតជាប់គ្នា ដោយឈ្នះដល់ទៅ ៩ ប្រកួត! ជាមួយតារាឆ្នើម Harry Kane នៅតំបន់ប្រយុទ្ធ Bayern ស៊ុតបញ្ចូលទីបានដល់ទៅ ១៩ គ្រាប់ក្នុង ៥ ប្រកួតចុងក្រោយ។ ស្ថិតិជួបគ្នា ៣ លើកចុងក្រោយ Bayern ឈ្នះទាំង ៣ លើក រាប់ទាំងការឈ្នះ ៣-០ កាលពីខែវិច្ឆិកាកន្លងទៅផងដែរ ។
📝 យប់នេះ Leverkusen ត្រូវតែលេងដោយគ្មានកំហុស។ បញ្ហាការពារដែលរបូត ៣ គ្រាប់ទល់នឹង Freiburg ត្រូវតែដោះស្រាយជាបន្ទាន់ បើមិនចង់ឱ្យ Harry Kane និងមិត្តរួមក្រុមធ្វើបាប។ សម្រាប់ Bayern ជ័យជម្នះយប់នេះនឹងរុញពួកគេឱ្យខិតជិតពានរង្វាន់ Bundesliga កាន់តែខ្លាំង។ នេះគឺជាសង្គ្រាមយុទ្ធសាស្ត្ររវាង Hjulmand និង Kompany ដែលបងប្អូនមិនអាចរំលងបានឡើយនៅយប់នេះ ។
👉 តើបងប្អូនទស្សន៍ទាយថា Leverkusen អាចបង្កើតភាពភ្ញាក់ផ្អើលបានដែរឬទេ? ឬក៏ Bayern នឹងបន្តភាពខ្លាំងក្លារបស់ខ្លួន ?
